Refund policy

Hjá Fjarðabásum eru vörurnar notaðar og koma frá mörgum ólíkum seljendum. Við leggjum okkur fram um að lýsa hverri vöru eins vel og hægt er. Hér fyrir neðan er farið yfir hvernig skil og endurgreiðslur virka þegar keypt er í netversluninni.

14 daga skilaréttur

Þegar þú kaupir í netversluninni hefur þú 14 daga frá móttöku vörunnar til að hætta við kaupin, án þess að gefa upp ástæðu. Þetta er í samræmi við lög um neytendasamninga nr. 16/2016.

Svona skilar þú vöru

• Láttu okkur vita innan 14 daga frá móttöku að þú viljir skila. Sendu tölvupóst á fjardabasar@gmail.com eða hringdu í 780-7700. Taktu fram nafn og pöntunarnúmer.
• Sendu eða komdu með vöruna til okkar innan 14 daga frá því að þú lætur vita.
• Varan þarf að vera í sama ástandi og þegar hún var afhent, með verðmiða og strikamerki ef hægt er.
• Þú getur líka skilað vörunni í verslun Fjarðabása í Molanum, Hafnargötu 2, 730 Reyðarfirði, á opnunartíma.

Kostnaður við skil

• Kaupandi greiðir sendingarkostnað við að skila vöru. Við mælum með að senda vöruna með rekjanlegri sendingu.
• Ef varan er gölluð, skemmdist í sendingu eða þú fékkst ranga vöru greiðum við sendingarkostnaðinn.

Endurgreiðsla

• Við endurgreiðum kaupverðið og upprunalegan sendingarkostnað innan 14 daga frá því að þú lætur vita að þú viljir hætta við kaupin.
• Við megum bíða með endurgreiðslu þar til varan hefur borist okkur.
• Endurgreitt er með sama greiðslumáta og notaður var við kaupin.
• Ef varan hefur skemmst eða rýrnað í meðförum kaupanda getur endurgreiðslan lækkað sem því nemur.

Notaðar vörur og gallar

• Allar vörur hjá okkur eru notaðar, nema annað sé tekið fram. Eðlileg notkunarmerki sem koma fram í lýsingu eða á myndum teljast ekki galli.
• Ef vara er gölluð eða ekki í samræmi við lýsingu skaltu hafa samband við okkur sem fyrst. Við finnum lausn, hvort sem það er endurgreiðsla eða önnur lausn sem hentar.
• Þú átt rétt á að kvarta yfir göllum samkvæmt lögum um neytendakaup nr. 48/2003.

Hætt við pöntun áður en hún er send

Ef þú vilt hætta við pöntun áður en hún hefur verið send eða sótt skaltu hafa samband sem fyrst. Pöntunin er þá felld niður og endurgreidd að fullu.

Vörur keyptar í verslun

Ekki er hægt að skila vörum sem keyptar eru í versluninni okkar. Þar getur þú skoðað og mátað vöruna áður en þú kaupir hana. Ef vara reynist gölluð gildir þó réttur þinn samkvæmt lögum um neytendakaup og þá skaltu hafa samband við okkur.

Hafðu samband

Fjarðabásar
Molinn, Hafnargötu 2, 730 Reyðarfirði
Netfang: fjardabasar@gmail.com
Sími: 780-7700