Legal notice

Þessir skilmálar gilda um öll kaup í netverslun Fjarðabása á fjardabasar.is. Með því að ganga frá pöntun samþykkir þú skilmálana. Um kaupin gilda einnig lög um neytendakaup nr. 48/2003 og lög um neytendasamninga nr. 16/2016.

Seljandi

Fjarðabásar
Kennitala: 210483-5009
Molinn, Hafnargötu 2, 730 Reyðarfirði
Netfang: fjardabasar@gmail.com
Sími: 780-7700

Vörurnar

Fjarðabásar er hringrásarverslun. Flestar vörur eru notaðar og seldar í umboðssölu fyrir einstaklinga sem leigja bás hjá okkur. Fjarðabásar sjá um söluna, greiðsluna og afhendinguna.
Við leggjum okkur fram um að lýsa hverri vöru rétt og sýna hana vel á myndum. Litir geta þó virst aðeins öðruvísi eftir skjám. Eðlileg notkunarmerki sem koma fram í lýsingu eða á myndum teljast ekki galli.
Flestar vörur eru aðeins til í einu eintaki og eru einnig til sölu í versluninni okkar. Ef vara reynist seld eftir að þú pantar hana látum við þig vita strax og endurgreiðum hana að fullu.

Verð

Öll verð eru í íslenskum krónum og eru endanleg verð vörunnar. Sendingarkostnaður bætist við og kemur fram áður en greitt er.
Við áskiljum okkur rétt til að hætta við pöntun ef verð er rangt vegna augljósrar villu. Ef það gerist látum við þig vita og endurgreiðum að fullu.
Afsláttur á vörum kemur fram á vörusíðu og dregst sjálfkrafa frá í körfu.

Pöntun og greiðsla

Kaupsamningur kemst á þegar greiðsla hefur verið staðfest og þú hefur fengið staðfestingu á pöntun í tölvupósti.
Greitt er með þeim greiðsluleiðum sem í boði eru í greiðsluferlinu. Greiðslur fara í gegnum örugga greiðslumiðlun og við sjáum aldrei kortaupplýsingar.

Afhending

Pantanir eru sendar með Póstinum. Sendingarkostnaður og afhendingarmöguleikar koma fram í greiðsluferlinu.
Frí sending er á pöntunum yfir 9.000 kr.
Við reynum að senda pantanir af stað eins fljótt og hægt er, yfirleitt innan 1–3 virkra daga. Afhendingartími Póstsins bætist þar við.
Þegar verslunin er lokuð, t.d. í vetrar- eða sumarfríi, getur sendingartími lengst. Lokanir eru auglýstar hér á síðunni með fyrirvara og pantanir sem berast á meðan eru sendar af stað um leið og við opnum aftur.
Ábyrgð á vörunni flyst til kaupanda þegar hún hefur verið afhent.
Nánar í sendingarstefnu.

Skilaréttur

Þú hefur 14 daga frá móttöku til að hætta við kaup í netversluninni.
Kaupandi greiðir sendingarkostnað við að skila vöru.
Ekki er hægt að skila vörum sem keyptar eru í versluninni sjálfri.
Allar upplýsingar um skil og endurgreiðslur eru í skila- og endurgreiðslustefnu.

Gallar

Ef vara er gölluð eða ekki í samræmi við lýsingu skaltu hafa samband við okkur sem fyrst. Þú átt rétt á að kvarta yfir göllum samkvæmt lögum um neytendakaup.

Gjafabréf

Gjafabréf gilda í 1 ár frá kaupdegi. Gildistíminn kemur einnig fram á gjafabréfinu sjálfu.
Gjafabréf gilda eingöngu hjá Fjarðabásum, bæði í netversluninni á fjardabasar.is og í verslun Fjarðabása í Molanum, líka á vörur á afslætti. Þau gilda ekki í öðrum verslunum í Molanum.
Ef aðeins hluti gjafabréfs er notaður haldast eftirstöðvarnar inni á því út gildistímann.
Ekki er hægt að skipta gjafabréfum í peninga.
Gjafabréf jafngilda reiðufé. Við berum ekki ábyrgð á gjafabréfum sem týnast.

Persónuvernd

Við förum með persónuupplýsingar af trúnaði og í samræmi við lög. Nánar í persónuverndarstefnu.

Ófyrirséð atvik

Fjarðabásar bera ekki ábyrgð á töfum eða tjóni sem stafa af atvikum sem eru utan okkar valds, t.d. náttúruhamförum, veðri, verkföllum eða truflunum hjá flutningsaðilum.

Ágreiningur og lög

Ef upp kemur ágreiningur reynum við alltaf fyrst að leysa hann með þér í sameiningu.
Ef það tekst ekki getur þú leitað til kærunefndar vöru- og þjónustukaupa.
Um skilmálana gilda íslensk lög. Mál sem kunna að rísa vegna þeirra skulu rekin fyrir Héraðsdómi Austurlands.

Breytingar

Við getum breytt þessum skilmálum. Um hverja pöntun gilda þeir skilmálar sem voru í gildi þegar pöntunin var gerð.

Síðast uppfært: október 2026